Meiri orka í hverju skrefi með Pegasus Plus

Nike Pegasus hefur lengi verið einn þekktasti hlaupaskór heims. Pegasus Plus tekur hins vegar aðeins aðra stefnu og býður upp á léttari, hraðari og meira lifandi tilfinningu fyrir þá sem vilja fá aðeins meira út úr hverju skrefi.

ZoomX í fullri lengd

Stærsta breytingin er í millisólanum. Pegasus Plus notar ZoomX-frauð eftir allri lengd skósins, sama tækni og Nike notar í mörgum af sínum afkastamestu hlaupaskóm.

ZoomX er einstaklega létt og viðbragðsgott frauð sem þjappast saman við lendingu og skilar síðan orku aftur inn í næsta skref. Útkoman er mjúk en um leið öflug tilfinning sem hentar vel hvort sem farið er í rólegt daglegt skokk eða hraðari hlaup.

Ólíkt mörgum hraðari hlaupaskóm er Pegasus Plus án kolefnis- eða nælonplötu, sem gefur skónum meiri sveigjanleika og náttúrulegri tilfinningu undir fæti.

Léttur Flyknit-yfirhluti

Yfirhlutinn er úr teygjanlegu Flyknit-efni sem lagar sig að fætinum og hjálpar til við að halda þyngd skósins lágri. Götótt svæði í efninu bætir jafnframt loftflæði, sérstaklega þegar álagið og hitinn aukast á hraðari æfingum.

Stuðningsband yfir miðfótinn hjálpar síðan til við að halda fætinum stöðugum þegar hraðinn eykst.

Fyrir dagleg hlaup og þegar þú vilt gefa aðeins í

Pegasus Plus er áhugaverður kostur fyrir hlauparann sem vill einn léttan og fjölhæfan skó sem ræður bæði við hefðbundnar hlaupaæfingar og hraðari tempó.

Hann er léttari og líflegri en hefðbundinn Pegasus og óháðar prófanir hafa sérstaklega bent á hversu vel ZoomX-frauðið og lág þyngd koma út þegar hlaupið er á meiri hraða.

Helstu eiginleikar Nike Pegasus Plus:

• ZoomX-millisóli í fullri lengd

• Léttur og teygjanlegur Flyknit-yfirhluti

• Gott loftflæði

• Stuðningur um miðfót

• Slitsterkt gúmmí undir sóla fyrir gott grip

• Um 10 mm hækkun frá tá að hæl

• Engin plata og því sveigjanleg og náttúruleg hlaupatilfinning

Nike Pegasus Plus er fyrir hlauparann sem vill léttan, hraðan og skemmtilegan æfingaskó án þess að fórna þeirri fjölhæfni sem Pegasus-línan er þekkt fyrir.